Ikirere c'intara kama y'Imbo
Kugenekereza:
Intara kama y'Imbo iherereye mu buraruko bw'uburengero bw'Uburundi, hagati y'ikiyaga Tanganyika [1]n'uruzi Rusizi.[2] Iyi ntara kama igizwe n'ikirere c'ubushuhe gifise ibihe bibiri bitandukanye :igihe c'izuba kuva muri Rusama gushika muri Nyakanga hamwe n'igihe c'imvura kuva muri Munyonyo gushika muri Ndamukiza.
Ikirere
Mu gihe c'izuba, ibipimo vy'ubushuhe mu karere biri hagati ya dogere selisiyusi 20 na 25. Amezi ashushe ahanini ni Gitugutu na Munyonyo.Mu gihe c'imvura, ibipimo biba biri hejuru gatoya, biba bifise uburinganire buri hejuru ya dogere selisiyusi 28.
Imvura mu karere k'Imbo iratandukanye bitewe naho utumbereye. Uturere twinshi muriyo ntara kama turaronka ahanini imvura nyinshi kuruta uturere two hepfo. Ikigereranyo c'imvura buri mwaka murako karere kiri hagati ya 900 na 1500mm, hamwe n'imvura nyinshi mu mezi ya Ndamukiza na Gitugutu.
Ikirere c'Imbo gifise uruhara runini kubimera vyo murako karere. Aka karere kagizwe n'amashamba n'ibishanga. Mu gihe c'izuba, ivyatsi bihinduka umuhondo kandi ibimera bikagabanuka. Mu gihe c'imvura naho, ivyatsi hamwe n'ibiti bihinduka bigasa n'urwatsi rutoto kandi ibimera bikaba vyinshi.
Ikirere c'Imbo naco kirafise ingaruka k'uburimyi murako karere. Imvura nyinshi mu gihe c'imvura ituma habaho uburimyi bw'ibiterwa bitandukanye nk'ibigori, amasaka, imyumbati, ikawa n'icayi. Ariko, ibihe bitandukanye mu bihe vy'imvura n'ibipimo vy'ubushuhe biri hejuru bishobora kugira ingaruka mbi kubiterwa n'uburimyi mu karere.
Mu ncamake, akarere kama k'Imbo mu Burundi gafise ikirere gishushe kagafita ibihe bibiri bitandukanye : igihe c'izuba kuva muri Rusama gushika muri Nyakanga, hamwe n'igihe c'imvura guhera muri Munyonyo gushika muri Ndamukiza. Imvura iratandukanye cane n'uburebure, hamwe n'ingaruka zikomeye ku bimera n'uburimyi mu karere.