Burundi Bwacu

Burundi bwâcu

Burundi Bwâcu, Burundi buhire,

Shinga icúmu mu mashinga,

Gaba intahe y’úbugabo ku bugingo.

Warápfunywe ntíwapfúye,

Waráhabishijwe ntíwahababuka,

Uhagurukana, uhagurukana, uhagurukana, ubugabo urîkukira.

Komerwamashí n’ámakúngu,

Habwa impundu n'âbâwe,

Isamírane mu mashinga, isamírane mu mashinga,

Burundi bwâcu, rági ry’ábasôkúru,

Ramutswa intahe n’íbihúgu,

Ufatanije ishaka n’ubúhizi

Vuza impundu wiganzuye uwakúganza uwakúganza.

Burundi bwâcu, nkóramútima kurí twese,

Tugutuye amabóko, umutima n’úbuzima,

Imâna yakúduhaye ikudútungire.

Horana umwami n’ábagabo n’ítekane.

Sagwa n’úrweze, sagwa n’ámahóro mezá.